Хамагаттинская сельская библиотека

Сахалыы таба суруйуу үөрүйэҕин сайыннарар олоҥхо баай тылын- өһүн, билиини- көрүүнү кэҥэтэр сыаллаах, Олоҥхо декадатын чэрчитинэн биллэриллибит, Өрөспүүбүлүкэтээҕи «ОЛОҤХО ДЬЫКТААНА — 2025» аахсыйаҕа уопсайа 16 киһи кытынна. Быйылгы дьыктааҥҥа И.И. Бурнашев – Тоҥ Суорун “Сылгы уола Дыырай Бухатыыр” олоҥхотуттан быһа тардыыны суруйдубут. Дьыктаан түмүгүнэн биир да сыыһата суох суруйан, «Бастыҥтан бастыҥ суруксут » үрдүк ааты Попова Кыыдаана Николаевна — “Тускул” оҕо сайдар киинин иитээччитэ ылла. Маны таһынан «Бастыҥ суруксут» ааты ылары ситистилэр: Назарова Дария Максимовна, Ефимова Анна Александровна, Алексеева Майя Владимировна, Герасимова Айталина Фомична, Осипова Александра Валерьевна.  Дьыктааны аахта Хамаҕатта олохтоох бибилэтиэкэтин сэбиэдиссэйэ Корякина Марина Саввична.