Хамагаттинская сельская библиотека

Төрөөбүт төрүт тыл, сурук-бичик күнүн чэрчитинэн сахалыы таба суруйуу үөрүйэҕин олохсутар, иҥэрэр сыаллаах «Сахалыы дьыктаан» аахсыйа быйыл, 2026 сылга, 12 төгүлүн ыытылынна. 

Биһиги нэһилиэккэ дьыктаан олунньу 13 күнүгэр олохтоох библиотекаҕа буолан ааста. Быйылгы дьыктааны Д.К. Сивцев – Суорун Омоллоон “Чүөчээски” кэпсээниттэн быһа тардыыны Саха сиригэр Култуура сылынан уонна олохтоох библиотекабыт 75 сыллаах үбүлүөйүнэн ветеран библиотекарь Емельянова Ольга Петровна суруттарда. Ол түмүгүнэн биир да сыыһата суох “Бастыңтан бастың суруйааччы” аатын ыллылар: олохтоох дьаһалтаттан нэһилиэкпит баһылыга Ушницкай Евгений Сергеевич уонна социальнай боппуруостарга специалист Аммосова Алена Васильевна.  Сурук бэлиэлэригэр эрэ кыра сыыһалаах “Бастың суруйааччы” аатын сүктүлэр: Гоголева Жасмина Егоровна, Парникова Елена Захаровна, Попова Мария Степановна, Оротоо Сандаара Саха Аар кыыһа, Канаева Лена Васильевна, Баишева Феврония Гаврильевна, Заболоцкай Максим Ильич. Салгыы “Үчүгэй суруксут” ааты ыллылар: Олесова Мария Еремеевна, Гоголева Анастасия Иннокентьевна.

Бу курдук кыттааччыларбыт — библиотекабыт ааҕааччылара сахалыы кинигэни сэҥээрэллэрэ, элбэҕи ааҕаллара көстөн, үрдүк сыанаҕа суруйдулар. Бары кыттааччыларбытыгар махтанан туран өссө да элбэх үрдүк ситиһиилэри баҕарабыт. “Ааҕар киһи — билиилээх, билиилээх киһи — сайдыылаах, сайдыылаах киһи — ситиһиилээх!”

—